Bahai News -- Sechelles Nation - Moman detant i termin an trazedi

Moman detant i termin an trazedi

En moman detant par en group zenn kominote Baha'i ti termin an trazedi Dimans 31 Out ler de parmi zot ti noye Roche Copra, Baie Lazare.

Dapre en kominike lapolis, ti ver 3.30 apremidi ki Anisha Pillay aze 17 an ki reste Anse Aux Pins, akonpannyen par 2 lezot son zanmi fiy ti al naze.

Pandan ki zot ti dan delo sale kouran ti trenn Anisha ek en lot son zanmi deor tandis ki sa lot fiy ti ganny sans retourn ater pour vin rod lasistans.

La, Shrogie Docteur, aze 19 an, ek 2 lezot koleg, ti sorti pour al esey sov sa 2 fiy me kouran ti trenn Shrogie.

Malgre ki sa 2 koleg ti eseye pour sov Shrogie zot pa ti kapab alor zot osi zot ti forse retourn ater pour lasistans.

Sete Life Guard ki ti pli tar asiste pour ranmas Anisha ek son dalon Raijana Prosper ki en zabitan Anse Royale e ki aze 18 an.

Letan ki sa 2 fiy ti ganny ranmase, Raijana ti paret byen me Anisha ti san konesans. Deswit Anisha ti ganny transporte lopital Anse Royale kot i ti ganny egzaminen, epi ganny refer lopital Victoria kot i ti ganny sertifye mor.

Sete ver 4.30 apremidi ki Gard Lakot Seychelles, ki ti'n ganny deplwaye zot osi pour asiste avek resers, ti trouv Shrogie dan delo.

I ti ganny transporte Anse Royale li osi kot dokter ti sertifye li mor.

©Copyright 2003, Seychelles Nation (Seychelles)

Following is the URL to the original story. The site may have removed or archived this story. URL: http://www.seychelles-online.com.sc/archives/5020903.html


---------
Return to: UGA Baha'i Association's Home Page
Baha'i News Archives' Index
This page was designed by Sohayl Moshtael suggestions, and news submissions are welcome, and appreciated.
URL: http://bahai.uga.edu/2003/030903-2.html


The content and opinions expressed on this Web page do not necessarily reflect the views of nor are they endorsed by the University of Georgia or the University System of Georgia.

Page last updated/revised 030903